Энэхүү судалгааг ШХА-ийн дэмжлэгтэйгээр, УУЯ, АНУ-ын Азийн сан хамтран хэрэгжүүлж буй "Байгаль орчныг хамгаалахад талуудын оролцоог нэмэгдүүлэх нь" (ESEC II) төслийн хүрээнд хийж гүйцэтгэсэн. Судалгаанд хамрагдсан бичил уурхайчдын 30.7% нь эмэгтэйчүүд байв. Алтны үндсэн ордод эмэгтэйчүүд харьцангуй бага ажилладаг. Уурхайн ажилд эрэгтэйчүүд илүү гэж эрэгтэй уурхайчид үздэг бол, эмэгтэй уурхайчид энэ тал дээр тийм ч их ялгаа байхгүй гэж үзжээ. Ажлын цагийн уян хатан байдал, орлогын тэгш хуваарилалт, нөхөрлөлийн ахлагчаар ажилладаг, өөртөө итгэлтэй байгаа зэрэг байдлаас харахад бичил уурхай нь эмэгтэйчүүдийн хувьд амьжиргааны боломжийн эх үүсвэр юм.